A ABE pecha con éxito a campaña do día do pai cun notable incremento nas vendas

Durante o período da campaña rexistráronse 1.262 tíckets de compra, un aumento do 23% en comparación cos 13 días anteriores á campaña.

Boiro, 18 de marzo de 2025

A Asociación Boirense de Empresarios (ABE) conclúe con gran éxito a súa campaña especial do Día do Pai, unha iniciativa que buscaba premiar a fidelidade da clientela e dinamizar o comercio local.

Durante o período da campaña, que se desenvolveu entre o 6 e o 18 de marzo, rexistráronse 1.262 tíckets de compra, unha cifra que representa un aumento do 23% en comparación cos 13 días anteriores á campaña ( 964 compras) e que pon de manifesto a efectividade da campaña.

Cada un deles recibiu unha caixa gourmet exclusiva, composta por un set de corte de queixo, un queixo galego e unha botella de viño (produtos da praza de abastos de Boiro).

Os premios están dispoñibles para a súa recollida o 19 de marzo, Día do Pai, para que as persoas agraciadas, os poidan desfrutar nesta data sinalada.

Desde a ABE, valoran moi positivamente a resposta da clientela e dos establecementos participantes. O notable incremento nas compras rexistradas demostra que este tipo de campañas contribúen de maneira efectiva á dinamización do comercio local, fortalecendo a súa competitividade fronte a outras opcións de consumo.